万维百科粤语版

戊戌六君子

戊戌六君子係指大清光緒廿四年(1898年農曆戊戌年)慈禧太后發動戊戌政變嗰陣時拉咗同埋處死嘅六個變法派人士,佢哋分別係譚嗣同、林旭、楊銳、楊深秀、劉光第同埋康廣仁。

1898年9月21號,慈禧太后同直隸總督瓜爾佳·榮祿發動政變,囚禁住清德宗光緒皇,又拉咗譚嗣同等六人。刑部尚書趙舒翹話:「呢啲人根本就係亂臣賊子,殺無赦,使乜問供。」9月28號,六個人喺未經刑部審訊嘅情況下,畀慈禧太后下令押到北京菜市口問斬。畀人處斬嘅順序係:康廣仁、楊深秀、楊銳、林旭、譚嗣同、劉光第。

平反昭雪

慈禧太后死咗六年之後,即係民國三年(1914年),四川省嘅民政長陳廷傑要求政府對戊戌六君子平反昭雪。北洋政府接受咗佢嘅要求,兼且交由內務部從優獎恤,以昭激勸之餘,並且下令喺北京建立祠堂祭奠,並且將事蹟交畀清史館立傳。從此,戊戌六君子嘅「亂臣賊子」名號終於得以平反昭雪。

睇埋


本页面最后更新于2020-02-13 04:29,点击更新本页查看原网页

本站的所有资料包括但不限于文字、图片等全部转载于维基百科(wikipedia.org),遵循 维基百科:CC BY-SA 3.0协议

万维百科为维基百科爱好者建立的公益网站,旨在为中国大陆网民提供优质内容,因此对部分内容进行改编以符合中国大陆政策,如果您不接受,可以直接访问维基百科官方网站


顶部

如果本页面有数学、化学、物理等公式未正确显示,请使用火狐或者Safari浏览器