万维百科粤语版

梨本宮

Jump to search
梨本宮家紋章.png

梨本宮日文:なしもとのみやNashimoto no miya)係日本舊時一個宮家,由伏見宮貞敬親王第十個仔守脩親王設立,但喺1947年喺駐日盟軍總司令指示下被撤銷皇籍。依家雖然仲存在,但唔再係皇室成員,淨係得個名。而現任當主係梨本隆夫。

梨本宮係當年十一個要皇籍脫離嘅宮家入面,唯一一個唔係由邦家親王個仔女成立嘅宮家。

歷任當主

梨本宮

梨本家

守正王皇籍脫離之後,由梨本宮改為梨本家,不過響呢個時候梨本家已經唔係皇室成員,淨係得個名。

  • 第一代:梨本守正(即梨本宮守正王,只不過響皇籍脫離之後改名叫梨本守正)
  • 第二代:梨本伊都子(守正王個老婆)
  • 第三代:梨本德彥(守正王細佬多嘉王個細仔,後嚟做咗守正王嘅養仔。德彥同時係龍田氏嘅養仔,所以又叫龍田德彥)
  • 第四代(現任):梨本隆夫(德彥個養仔)

家族系譜

  • 梨本宮守脩親王
    • 梨本宮菊麿王(養仔,之後回歸山階宮,改叫山階宮菊麿王)
      • 梨本宮守正王(原先係要另起宮家,但因為守脩養仔菊麿王唔可以繼承梨本宮當主一位,於是就由佢出任)
      • 守正王妃伊都子(守正王個老婆,鍋島直大侯爵個女)
        • 方子女王(守正王大女,後嚟嫁畀韓國懿愍太子李垠,改名叫李方子)
        • 規子女王(守正王細女,後嚟嫁畀廣橋真光,改叫廣橋規子,生咗獨仔儀光,後嚟儀光做咗守正王個大養仔)
        • 梨本儀光(守正王大養仔,親生阿媽係廣橋規子,後嚟做咗守正王養仔,但係早死)
        • 梨本德彥(守正王細養仔,原先係守正王細佬多嘉王個細仔)
          • 龍田德久(德彥親生仔,但係佢同老豆德彥關係好差,所以德彥最後決定唔傳當主一位畀佢)
          • 梨本隆夫(德彥養仔,原名神林隆夫,全因德彥同德久關係唔好,所以當主一位先由佢繼承)


本页面最后更新于2020-10-08 11:01,点击更新本页查看原网页

本站的所有资料包括但不限于文字、图片等全部转载于维基百科(wikipedia.org),遵循 维基百科:CC BY-SA 3.0协议

万维百科为维基百科爱好者建立的公益网站,旨在为中国大陆网民提供优质内容,因此对部分内容进行改编以符合中国大陆政策,如果您不接受,可以直接访问维基百科官方网站


顶部

如果本页面有数学、化学、物理等公式未正确显示,请使用火狐或者Safari浏览器