万维百科粤语版

中國共產黨誕生紀念日

中國共產黨誕生紀念日,響中國大陸一般簡稱叫做黨的生日,係中華人民共和國喺每年7月1號為慶祝中國共產黨誕生而設立嘅紀念日。

中國共產黨實際上係喺1921年7月23號成立,中國共產黨第一次全國代表大會亦係呢一日喺上海舉行。將7月1號定做中國共產黨誕生紀念日最早係由毛澤東喺1938年5月響《論持久戰》呢篇文提出,1941年6月,中共中央第一次發文件將7月1號定為中國共產黨嘅誕生紀念日嚟慶祝。由於嗰時嘅形勢,淨係可以憑參加過中共一大嘅毛澤東、董必武兩個人嘅回憶嚟確定中國共產黨嘅誕生日,而佢哋唔記得咗準確日子,淨係記得響7月舉行,所以就將7月1號定為中國共產黨嘅誕生紀念日。

到1970年代,中共黨史研究者已經查得番中國共產黨第一次全國代表大會嘅確切開幕日期係1921年7月23號,但考慮到人人都已經習慣咗將7月1號當做中國共產黨誕生紀念日,中共中央就冇作出修改。


本页面最后更新于2020-02-13 03:21,点击更新本页查看原网页

本站的所有资料包括但不限于文字、图片等全部转载于维基百科(wikipedia.org),遵循 维基百科:CC BY-SA 3.0协议

万维百科为维基百科爱好者建立的公益网站,旨在为中国大陆网民提供优质内容,因此对部分内容进行改编以符合中国大陆政策,如果您不接受,可以直接访问维基百科官方网站


顶部

如果本页面有数学、化学、物理等公式未正确显示,请使用火狐或者Safari浏览器