万维百科粤语版

互射十二碼

互射十二碼係喺足球賽用嚟決勝負嘅一種方式。

喺一般淘汰賽入面,如果喺法定時間完場、加時上下半場共30分鐘都分唔出勝負,就會以互射十二碼嘅方式決勝負,雙方各派出五人梅花間竹噉輪住嚟射。頭五輪就以入波多啲嗰隊贏,如果打完頭五輪都分唔到勝負,就會進入突然死亡階段,到時任何一方射入而另一方射失,場波就會完。互射十二碼勝方就會贏咗成場比賽。

ABBA制

ABBA制係參考網球決勝局嘅發球順序,即係當A隊射完第1球之後,B隊會連續射第2、第3球,然後再到A隊射第4、第5球,如此類推,去到突然死亡都繼續係噉。

根據研究顯示傳統嘅互射十二碼形式先主射嗰一隊有六成機會勝出,有啲唔公平,所以歐洲足協參考網球決勝局嘅發球次序,推出「ABBA」主射形式,希望令到互射十二碼變得更加公平[1]

經過兩年試驗之後,已經證實呢種方式唔係特別受歡迎,主要係因為程序過於複雜,而足球本身係一項簡單同傳統嘅比賽,所以國際足球協會喺2019年已經決定唔會再用ABBA制。

參考


本页面最后更新于2020-02-13 04:03,点击更新本页查看原网页

本站的所有资料包括但不限于文字、图片等全部转载于维基百科(wikipedia.org),遵循 维基百科:CC BY-SA 3.0协议

万维百科为维基百科爱好者建立的公益网站,旨在为中国大陆网民提供优质内容,因此对部分内容进行改编以符合中国大陆政策,如果您不接受,可以直接访问维基百科官方网站


顶部

如果本页面有数学、化学、物理等公式未正确显示,请使用火狐或者Safari浏览器