万维百科粤语版

圖書館自由宣言

Jump to search

圖書館自由宣言日文図書館の自由に関する宣言),係日本圖書館協會(Japan Library Association)1954年訂立嘅一個綱領。份文件係喺二戰後、1950年代嘅民主化過程初出街嘅,明確咗日本圖書館自由權利嘅內涵[1]。宣言嘅理念可追溯到1939年美國圖書館協會發表嘅《圖書館權利法案》[2],亦係日本圖書館界對二戰時期、圖書館成為政權審查工具嘅反省,雖然宣言冇實質嘅法律效力,但日本圖書館界就奉佢做「圖書館憲法」,有著極重要嘅地位[3]

全文

圖書館自由宣言(抄)[4]

 圖書館最重要嘅使命,係為擁有著自由知情作為基本人權之一嘅國民,提供對應嘅資料同附設設施。為咗完成呢個重要嘅任務,圖書館將確認兼實踐以下嘅內容:

第1 圖書館有著蒐集資料嘅自由
第2 圖書館有著提供資料嘅自由。
第3 為圖書館嘅利用者保守秘密。
第4 圖書館反對所有審查制度。

當圖書館嘅自由受到侵犯嘅時候,我哋會團結埋一齊捍衛自由。

背景

聯合國軍、美國同日本簽署嘅《媾和條約》,將喺1952年4月28號生效,意味著佔領時期嘅法例都會失效。日本國會為咗代替舊嘅治安法,喺4月17號提出咗《破壞活動防治法》(簡稱「破防法」),結果引發咗全國嘅抗議風潮,外界憂慮法案一旦子通過,會限制咗「公民嘅言論自由」、「結社嘅自由」。1952年紀念五一勞動節嘅活動度,抗議「破防法」亦成咗主要嘅訴求。東京度嘅五一遊行隊伍仲喺皇居廣場,同啲戒嚴差人發生咗衝突。第二日議會開會,就有議員提案要快啲實施「破防法」,結果到咗5月19號,眾議院法務委員會就開始審議呢個法案[5]

而日本圖書館界,二戰前時代就有唔少嘅「檢查索書單」、「便衣(差人)喺圖書館入邊監視」等審查,唔少人憂慮呢啲現象會捲土重來。日本圖書館協會亦就積極咁投入反對《破防法》嘅運動。喺1952年福岡度召開嘅日本全國圖書館大會,就明確表達咗圖書館界嘅反對決心[1]

主文嘅經歷

呢份宣言係喺反思過二戰之前,圖書館作為慈善機構、卻淪為思想控制機關嘅歴史後,喺1954年昭和29年)率先提出嘅。

到咗1979年(昭和54年)將「為圖書館嘅利用者保守秘密。」加作新嘅第三條,舊嘅第3宣言就喺刪除咗「完全」同「不當」嘅字眼後,改咗做第4宣言。「不當」嘅字眼被剔除咗,係因為冇所謂「正當」嘅審查制度係存在嘅。

「圖書館嘅自由」同公共福祉之間嘅磨合

即使喺1979年嘅修訂之後,都未有明確咁將「知情權」,寫成正式嘅文本,而同憲法保障嘅「知情權」(日本憲法第21条所列明嘅「言論自由」入邊,係有相應嘅解釋)兼侵害私隱權嘅事件係經常發生。例如1997年嘅神戶連環兒童傷害(日文神戸連続児童殺傷事件)入邊少年A嘅真人相嘅處理(「FOCUS」等),仲有要點樣同少年法相互平衡,

而名古屋市立圖書館因『木偶奇遇記』案,亦存在咗諸多嘅難點,例如點樣去處理歧視用語同埋表達方式,都係有唔少嘅問題要面對。

另外同行政部門間亦有好多嘅矛盾。之所以出現呢啲問題,係因為日本大多嘅圖書館屬於「公共圖書館」,喺日本嘅憲制入邊,係要求啲組織遵從返憲法同教育法嘅規管。

喺當地發生過「木偶奇遇記回收嘅騷動」(日文ピノッキオの冒険回収騒動)之後,就再追加咗「檢討嘅3原則」作為參考。

檢討嘅3原則

  1. 如果出現咗問題,冇以單一職位嘅判斷去處理,而係要所有嘅職員一同檢討。
  2. 圖書館職員唔會喺局限嘅情形下做判斷,而係要聽取市民嘅廣泛意見。
  3. 特別係關於侵犯人權嘅問題度,唔好陷入偏見或偏見氛圍入邊,要聆聽問題嘅當事人意見。

關聯作品

日本年輕嘅女作家有川浩喺2004年,無意間瞭解到日本圖書館協會頒佈嘅呢個宣言,就咁萌生咗「圖書館戰爭」嘅創作構想。跟著喺2006到2008年期間,佢陸續撰寫、出版咗《圖書館戰爭》,《圖書館內亂》,《圖書館危機》,《圖書館革命》,《別冊:圖書館戰爭》(ⅠⅡ)單行本,組成咗一套較完整嘅「圖書館系列」小說,迅速引起咗日本國民嘅關注同追捧[1]

  1. 1.0 1.1 1.2 日本图书馆界保护读者隐私权的实践及启示 郭华 人大复印:《图书馆学情报学》2011 年 12 期 原发期刊:《情报理论与实践》2011 年第 9 期 第 115-117 页
  2. 王兆辉. .日本轻小说《图书馆战争》的图书馆意蕴与启示. 大学图书馆学报, ,33(4): 60-62
  3. 一張村上春樹高中時期的借書卡,引爆日本圖書館隱私戰爭! Readmoo 群傳媒 2015-12-04
  4. 全文係参照返図書館の自由に関する宣言
  5. 日本图书馆:一部自由宪章(图) 2011-11-25 经济观察网

參考文

  • JLA図書館テキストシリーズ「図書館概論」1998年 塩見昇
  • JLA図書館テキストシリーズ「図書館資料論」1998年 馬場俊明
  • 「自由宣言」と図書館活動 青弓社 1993年 馬場俊明
  • 「図書館司書という仕事」ぺりかん社 1999年 久保輝巳
  • 「ず・ぼん9」2004年 ポット出版
  • 雑誌「図書館の自由」日本図書館協会図書館の自由委員会編、1980年 - 、季刊。
  • 「『図書館の自由に関する宣言1979年改訂』解説」第2版 日本図書館協会 2004年 日本図書館協会図書館の自由委員会編

睇埋

  • 図書館の権利宣言(Library’s Bill of Rights) - アメリカでジョン・スタインベック著『怒りの葡萄』事件を契機に制定
  • 山口県立山口図書館図書隠匿事件 - 1973年。「図書館の自由に関する宣言」が改定されるきっかけとなった事件
  • 『ピノキオ』回収要求と閲覧制限 - 1976年
  • 広島県立図書館事件 - 1984年
  • 絵本『ちびくろサンボ』と人種差別の問題 - 1988年
  • 富山県立図書館の『図録』損壊事件 - 1990年
  • 地下鉄サリン事件での国立国会図書館利用記録5 万人分押収 - 1995年
  • 『完全自殺マニュアル』の閲覧制限要求 - 1996年
  • 船橋市西図書館蔵書破棄事件 - 2005年
  • 福井県生活学習館ジェンダー関連図書撤去事件 - 2006年
  • 堺市立図書館「BL」本排除事件 - 2008年
  • はだしのゲン - 2013年に松江市教育委員会が市内小中学校図書館に書庫入れの指示
  • 図書館戦争 - 本宣言をもとにし、執筆された。
  • 圖書館
  • 日本圖書館協會
  • 審查
  • 絶歌

出邊網頁


本页面最后更新于2020-07-11 02:55,点击更新本页查看原网页

本站的所有资料包括但不限于文字、图片等全部转载于维基百科(wikipedia.org),遵循 维基百科:CC BY-SA 3.0协议

万维百科为维基百科爱好者建立的公益网站,旨在为中国大陆网民提供优质内容,因此对部分内容进行改编以符合中国大陆政策,如果您不接受,可以直接访问维基百科官方网站


顶部

如果本页面有数学、化学、物理等公式未正确显示,请使用火狐或者Safari浏览器