紅磡
紅磡（Hung Hom或者Hunghom）係香港九龍半島嘅舊區，行政上來睇，大部份嘅地方都喺九龍城區內，但亦都有少部份好似香港理工大學、香港體育館同埋香港海底隧道九龍入口喺油尖旺區。
家下呢區多數係住宅樓，公共屋邨同私人屋苑。不過舊時紅磡有工業好似黃埔船塢、商業、但隨住舊區重建，以及紅磡灣大規模填海，連紅磡碼頭亦都要搬，呢區差唔多係純住宅區。家下新填地有私人屋苑半島豪庭、紅灣半島、香港理工大學學生宿舍等等。另外紅磡亦係殯儀行業嘅集中地，喺暢行道、暢通道同溫思勞街一帶，有三間大嘅殯儀館同埋九龍公眾殮房，加埋附近啲整花牌嘅花店、棺材舖、私人骨灰龕（樓上舖）同其他殯儀行業舖頭，附近嘅酒樓亦常年供應解穢酒套餐，喺呢區嘅一大特色。
呢區有條海濱長廊可以由海逸豪園經紅磡碼頭行到尖沙嘴，而車亦可以用紅磡繞道短時間直出尖沙嘴。
目錄
史
紅磡係大環同紅磡灣組成，最初只有大灣（大環）笪地。1884年開始，香港政府就開始喺紅磡灣填海，當時重未叫紅磡。1909年，當時有建築工人打一口井時，發現湧出來嘅井水係硃紅色。有風水專家歸咎於動土傷咗龍脈，流出龍血。另一方面，井水化驗結果顯示，咁紅係因為有硫化鐵同汞化物。無論點都好，因為紅色嘅井水，呢處就叫紅磡。
喺2010年1月29號下晝一點43分，喺馬頭圍道45號J一座五層唐樓成座冧晒，四死兩傷，係香港戰後少有，令香港政府同社會都關注全港同類五十年以上唐樓嘅安全問題。
社區環境
私人屋苑
公共屋邨
公共設施
大專院校
基礎教育
- 聖匠中學
- 聖公會奉基千禧小學
- 聖公會奉基小學
- 馬頭涌官立小學 (紅磡灣)
- 黃埔宣道小學
- 葛量洪校友會小學
醫療服務
- 紅磡健康院
休憩
康樂及泳池
購物點
- 國際都會
- 黃埔新天地
寺廟、教堂
- 觀音廟
- 聖匠堂
- 聖母堂
殯儀館
交通
主要交通幹道
公共交通
中港鐵路運輸
- 紅磡站（來往中國、香港之間嘅城際鐵路運輸服務，包括香港去深圳、廣州、上海、北京等城市）
睇埋