万维百科粤语版

青嶼幹線

青馬大橋
馬灣高架路
汲水門大橋

青嶼幹線(Lantau Link)係香港8號幹線一部份,連接位於大嶼山青衣島。全線都係三線雙程分隔公路

青嶼幹線响1997年4月27號由前英國首相戴卓爾夫人香港總督彭定康、布政司陳方安生主持開幕儀式,5月22號正式通車。

青嶼幹線係目前唯一連接大嶼山同香港其他地區嘅陸路通道,由青馬大橋(連接衣同埋灣)、馬灣高架路汲水門大橋(連接馬灣同埋大嶼山)組成。幹線全長3.5公里,分上下兩層行車。兩條橋嘅露天上層係三線雙程分隔快速公路,有蓋嘅下層就係兩條港鐵機場快綫東涌綫路軌,同埋兩條喺緊急時使用嘅單線行車道路。車速限制為每小時80公里,而下層行車道路為每小時50公里。

響正常情況下,下層行車道路唔會開放使用。只會響特別情況下,例如路段普遍吹強風,上層道路封閉等,先至會開放使用。下層行車道路並唔連接馬灣。打風期間,更會考慮全線封閉。

收費(雙向收費)

  • 電單車/機動三輪車:HK$20
  • 私家車/電動客車/的士:HK$30
  • 公共及私家小型巴士:HK$40
  • 總重5.5公噸或以下嘅輕型貨車:HK$40
  • 總重5.5至24公噸嘅中型貨車:HK$50
  • 總重超逾24公噸嘅重型貨車:HK$80
  • 公共及私家單層巴士:HK$40
  • 公共及私家雙層巴士:HK$60
  • 掛接車輛:HK$80
  • 拖另一架車嘅車:相等於對所涉及嘅兩架車嘅類型或類別所適用嘅款額嘅使用費嘅總和
  1. 拖一架拖車嘅車(掛接車除外):相等於對該車輛嘅類型或類別適用嘅款額嘅使用費以及就該車輛而要畀嘅HK$15

由於現時冇其他道路連接市區,經荃灣區欣澳收費站,西行(往大嶼山方向)唔使畀錢,東行(往市區/新界方向)先至要畀錢;至於經荃灣區馬灣收費站,東行(往市區/新界方向)唔使畀錢,西行(往馬灣方向)先至要畀錢。

睇埋


本页面最后更新于2020-02-13 01:01,点击更新本页查看原网页

本站的所有资料包括但不限于文字、图片等全部转载于维基百科(wikipedia.org),遵循 维基百科:CC BY-SA 3.0协议

万维百科为维基百科爱好者建立的公益网站,旨在为中国大陆网民提供优质内容,因此对部分内容进行改编以符合中国大陆政策,如果您不接受,可以直接访问维基百科官方网站


顶部

如果本页面有数学、化学、物理等公式未正确显示,请使用火狐或者Safari浏览器