万维百科粤语版

20世紀

1901年2000年哩一段期間被稱為20世紀。哩段時間最令深刻嘅記憶係前所未見嘅全球型戰爭同軍事對峙(第二次世界大戰冷戰)以及知識爆炸。喺呢個世紀影響人最深遠嘅係共產主義資本主義嘅挑戰。雖然前者最終失敗,但亦促使後者喺經濟社會上多重嘅修正及省思。此外,本世紀嘅殖民主義發展到極致,但喺1960年代後好快瓦解。而上世紀遍佈歐洲民族主義風潮傳到亞洲非洲大洋洲,但亦意外搞到恐怖主義喺全球盛行,尤其透過網路資訊媒體,造成全球性嘅恐慌,並且令下個世紀初蒙上恐懼嘅陰影。而知識爆炸令更多人可以接受知識,並質疑同檢討各學科嘅發展同研究。

藝術上,以美國為發源地嘅大眾文化成為最為人所知嘅事物。尤其透過電視、廣播同電影,幾乎全球各地或多或少都受到影響,甚至視佢為「進步」、「便利」同「文明」嘅象徵。但另一方面,各地嘅本土文化亦利用呢啲科技媒體宣揚散播於本國或鄰近地區,呢種現象尤其以日本法國最明顯。

此外,本世紀係人類史上流動速率最頻繁嘅時刻:為咗勞動需求、政治庇護同更好嘅生活品質,大量唐人搬去北美洲東南亞,好多土耳其人北非地區人民移居西歐,唔少嘅西班牙裔透過合法或非法嘅方式去咗美國。哩啲人口流動打破過去以種族劃分嘅地理概念,但亦造成好多工業國家內部嘅社會問題。

東亞

南亞

中亞·中東

歐洲

北美

中南美

非洲

大洋洲

重要事件、發展同埋成就

科學技術

請睇20世紀嘅科學成就
  • 汽車工業以及其他工業開始用流水裝配線。哩種大規模嘅生產令商品價格降低,產量更多。汽車亦因此成為重要嘅交通工具。
  • 航天器嘅發明令世界變細咗。太空船帶領人類向宇宙邁進,對宇宙進行嘅探索令我哋更瞭了地球以外嘅世界。
  • 電台電視電影等大眾傳媒嘅普及為人類帶來巨大影響,佢哋娛樂大衆,同樣可以傳播各種政治資訊。
  • 殺蟲劑、化學肥料嘅發明大大提高農業產值,亦帶來新嘅環境污染。
  • 喺基礎物理學領域內嘅重大發現,例如相對論量子物理學為人類帶來核武核動力同埋鐳射嘅發明。
  • 電腦嘅出現並進入社會各個領域,極大地改變社會嘅日常面貌。
  • 宇宙學取得巨大進展,「宇宙大爆炸」理論被創立,人類開始研究宇宙嘅起源。
  • 洗衣機空調冰箱電視機等電器嘅發明大大提高人類嘅生活質素。
  • 90年代互聯網嘅興起,較大幅度咁影響人類嘅生活。

戰爭同埋政治

  • 日本俄國1904年1905年間爆發日俄戰爭,日本獲得最後勝利,亦係近代史上非歐洲國家首次戰勝歐洲強國。
  • 德國法國英國美國俄國等幾乎所有重要嘅西方工業化國家捲入咗第一次世界大戰。呢場戰爭嘅起因之一就係歐洲高漲嘅民族主義情緒。戰爭亦令東歐出現咗好多新國家。
  • 第一次世界大戰所帶來嘅經濟以及政治因素導致法西斯主義喺歐洲嘅興起同埋隨後嘅第二次世界大戰。世界上幾乎所有國家都被捲入呢場大浩劫。喺第二次世界大戰,平民傷亡慘重,空襲、大屠殺、原子彈等都造成大批平民死傷。德國針對猶太人嘅史無前例嘅種族滅絕據講造成600萬猶太人死亡,日本軍國主義對亞洲國家嘅侵略造成大約2000萬人死亡,然而日本被認為始終唔肯面對對他國造成嘅創傷。
  • 俄國國內對腐朽嘅沙俄政權嘅不滿導致社會主義喺俄國嘅興起。二戰之後,社會主義國家蘇聯成為政治、軍事上嘅強國。共產主義思潮亦向全球其他地區蔓延:中國東歐古巴中南半島地區相繼成為社會主義國家。呢個亦係冷戰開始嘅主要原因。
  • 冷戰期間,由美國領導嘅民主陣營同由蘇聯領導嘅共產陣營嚴重對峙,美蘇兩強不斷喺世界各地尋求盟邦,因而引發好多嘅「代理戰爭」(例如韓戰越戰),1962年嘅古巴飛彈危機更令核子戰爭幾乎一觸即發。
  • 1990年代初共產主義陣營嘅瓦解令美國成為僅存嘅超級大國。冷戰亦導致蘇聯南斯拉夫同埋捷克斯洛伐克等社會主義國家解體。
  • 二戰之後喺聯合國嘅框架之下,國際合作增多。歐盟嘅成立以及歐元嘅使用標誌著歐洲一體化進程嘅加快。
  • 殖民主義終結,喺非洲亞洲出現咗好多個獨立嘅新國家。呢啲國家喺冷戰往往同美國或蘇聯結盟,以求生存。
  • 猶太人終於喺祖先嘅土地上建立自己嘅國家以色列。不過佢哋同阿拉伯人嘅衝突始終未能解決,並且有不斷擴大嘅趨勢。
  • 各種形式嘅恐怖主義,極端主義喺20世紀末期興起,世貿大廈被撞之後呢一系列問題引發起人類嘅注意。

文化娛樂

  • 電影音樂同埋媒體對時尚潮流以及生活嘅好多方面都有重大影響。好多電影、音樂等娛樂產品都來自美國,尤其係荷里活嘅電影喺世界各地廣為傳播,因此美國文化得以喺全球發展。
  • 最早喺美國歐洲開始嘅女權運動愈演愈烈,女性取得更高地位。
  • 現代藝術更多樣化,抽象派、印象派、立體主義、行為藝術等越來越受到傳統主流藝術界嘅重視。
  • 汽車大大提升西方社會嘅運輸能力,喺好多城市嘅規劃裏面,汽車係主要嘅交通工具。汽車(尤其係私人汽車)嘅普及程度已經成為現代社會嘅標誌。
  • 體育唔再係有錢人嘅享樂,而逐漸成為社會嘅重要組成部分。收睇體育賽事、參與體育活動已經成為普通人嘅重要娛樂之一。

社會同埋經濟

佛洛伊德發表《夢的解析》。

疾病同埋醫學

  • 人類喺本世紀依然面對好多醫唔到嘅疾病。1918年1919年西班牙爆發嘅流行性感冒導致2500萬人死亡。而愛滋病依然係醫唔到,喺好多國家,特別係發展中國家造成無數人死亡。
  • 醫學嘅進步,好似抗生素嘅發明,令人類免受更多疾病嘅困擾。避孕措施嘅廣泛使用有效降低人口增長,器官移植就挽救咗好多病人嘅生命。DNA嘅發現令生物體複製同基因工程嘅發展成為可能。

環境同埋自然資源

  • 石油作為運輸工具嘅燃料同塑膠嘅原材料,喺工業中廣泛使用,石油成為寶貴嘅資源。中東,呢個石油儲藏量最多嘅地區,喺20世紀後50年成為軍事外交嘅角力場。
  • 過度使用天然能源令環境受到嚴重破壞,而空氣污染就係全球溫室效應臭氧層破壞嘅元兇。喺森林嘅過度砍伐仲令生物物種數量大幅度減少。隨著開採科技嘅發展,人類喺20世紀最後幾年所能夠開採嘅天然資源比20世紀初多好多。

宗教同埋哲學

重要人物

世界領導人

科學家

軍事領袖

藝術家

音樂家

電影人

文學家

商業家

宗教家及社會運動者

<<- 20世紀(1900年——1999年)->>
1900年代 1900年 1901年 1902年 1903年 1904年 1905年 1906年 1907年 1908年 1909年
1910年代 1910年 1911年 1912年 1913年 1914年 1915年 1916年 1917年 1918年 1919年
1920年代 1920年 1921年 1922年 1923年 1924年 1925年 1926年 1927年 1928年 1929年
1930年代 1930年 1931年 1932年 1933年 1934年 1935年 1936年 1937年 1938年 1939年
1940年代 1940年 1941年 1942年 1943年 1944年 1945年 1946年 1947年 1948年 1949年
1950年代 1950年 1951年 1952年 1953年 1954年 1955年 1956年 1957年 1958年 1959年
1960年代 1960年 1961年 1962年 1963年 1964年 1965年 1966年 1967年 1968年 1969年
1970年代 1970年 1971年 1972年 1973年 1974年 1975年 1976年 1977年 1978年 1979年
1980年代 1980年 1981年 1982年 1983年 1984年 1985年 1986年 1987年 1988年 1989年
1990年代 1990年 1991年 1992年 1993年 1994年 1995年 1996年 1997年 1998年 1999年

本页面最后更新于2020-02-12 20:57,点击更新本页查看原网页

本站的所有资料包括但不限于文字、图片等全部转载于维基百科(wikipedia.org),遵循 维基百科:CC BY-SA 3.0协议

万维百科为维基百科爱好者建立的公益网站,旨在为中国大陆网民提供优质内容,因此对部分内容进行改编以符合中国大陆政策,如果您不接受,可以直接访问维基百科官方网站


顶部

如果本页面有数学、化学、物理等公式未正确显示,请使用火狐或者Safari浏览器